شن وضعك العاطفي حاليا

[سرتااوي]

السلام عليكم
الموضوع وما فيه كل حد يحكي عن وضعه العاطفي حاليا بغناوه او شتاوه

تحياتي ليجميع

سمعونا

[فافي]

الخاطر يا العزيز مليت .. مكان لغيرك ما خليت

[سرتااوي]

يعني قوللنا علي وضعك العاطفي بي شتاوه او غناوه
متلا
نارعزيز ونار العازه ...شاطن في بلا حزازه

[بنت البدو]

منوووووووور يا سرتاوي يعطيك الصحه موضوع سمح بكل

مريض انعاني حال اعداك**دواء ماعندي غير غلاك
حالتي مريضه توا كيف روحت من المستشفى

[سرتااوي]

جوهره
سلامتك

[سرتااوي]

جميع اللي تقهر في العين ...يديرو فيها مرهونين

[سرتااوي]

غاب عزيز الدنيا شانت...........ياما تسوى عندى كانت.

[سرتااوي]

ملتمات علي مصايب***ظلم وياس وغالي غايب

[سرتااوي]

عينى مطعونه اتلوا>>>>>> بين قديم وغالى توا

[ساهر]

نص هموم ونص علآيل مية طن الخـــآطر شـــآيل

[المهندس الكاسح]

ليا ايام جوي متعكر ..... والباب اللي نطقا امسكر

[النخبة]

قلبي يا غالي من جوّا .. كيف شوارع غزة توّا !

[بنت البدو]

الله يسلمك خوي السرتاوي

طبيب ياعزيز غلاك **صفق ايديه مولاقي دوا

[سرتااوي]

تي امنورين كلكم

[الاربد]

دوبي كنت امعاه اقريب ,, مشتاقه توّى لحبيب